Hapi balemtayms!

Minsan, mukang wala lang talaga akong pakialam. Nag-se-set up pa nga ako lagi ng pader, ayoko kasi ng masyadong maraming tao sa buhay ko. Pwede mong sabihing trust issues o kung anu-ano pang naiisip mong dahilan, pero ayoko lang talagang masyadong maging attached sa ibang tao, cargo lang yung mga yun e. 

 Kung ganito ako, pano pa kaya kung lablayp na ang usapan. Pwede na akong maging referee kasi lagi nalang akong nang-di-disqualify ng mga nakikilala ko. Nakakabwisit naman kasi karamihan ng chika bebe ngayon, kanonood ng pbb nahawa na sa mga kontestant. Andami daming drama. Andami daming issue. Yung iba hindi ko na kinikilala ng lubusan, sayang oras, tapos, poblema nanaman.  

Pero sa isang kagaya kong mahilig sa mga pinoy movie, alam ko, sa ending, may kapares tayong lahat. Wala nga lang mala-mtv na scene na kadalasan e “Awitin mo at isasayaw ko” ang theme song, pero naniniwala ako, meron tayong kapares lahat sa ending.

Yung gusto kong kapares, ayoko yung pili ni mother lily o kung sino pa mang producer dyan, ayoko rin ng fan favorite. Gusto ko, yung gusto ko talaga. Mag-iisang taon na mula nung narinig ko sa radyo na ang “the one daw” ay negotiable. Hanggang ngayon, hindi ko parin maintindihan yun e, basta ang intindi ko dun, walang magsasabi satin kung sino yung kailangan nating ibigin, kung gusto talaga natin, atak na.

Ang gusto ko? Yung mga babaeng mukang malakas. Gusto ko yung tipong kaya akong itakbo palayo, yung kayang tibagin yung pader kong sine-set-up lagi. Ang poblema, wala pa akong napapanod na ganun e, ang alam ko, mga bidang lalaki gumagawa nun. 

Pero, hindi naman sine to e.

Kung may unlike button lang sana para sa tao e.

Mga fwends, este friends, alam ko may mga friends tayong lahat sa Facebook na napipilitan lang tayong maki prends-prends. Yung tipong kating-kati ka ng i-delete sa friends list mo, kaso, marunong kang makisama e. Eto ang mga sampol ng mga prends na pinapakisamahan nalang natin.

1.) Mga "Tagger". Eto yung mga libangan nila e mang-tag ng mga piksur kahit sabog na sabog ang itsura mo sa mga piksur na yun. Yung itatag ka pa rin kahit hindi ka nakatingin sa kamera o nahuli ka sa pagtalon sa mga walang kamatayang jumpshot nyo.

2.) Mga mahilig sa "Versus photos". Eto yung mga nagphophotoshap ng dalawang piksur tapos lalagyan ng v.s. sa gitna. Tapos may caption na: "Sino mas pogi, hehe". Galangin nyo naman ang mga ina nyong pinagmanahan nyo ng karakas nyo.

3.) Mga "Pa-like". Eto yung mga tipong pa-like ng pa-like ng kung anu-ano. Minsan mga beauty pageant na parang espasol naman ang meyk-ap, minsan mga status nila na patama nila sa kung sinu-sinong umapi sakanila. Pinakamalala yung sarili nilang profile piksur.

4.) Meet the fockers. Eto yung mga ka-apelyido mong nag-aadd sayo, kahit hindi mo naman kamag-anak. Wag mong i-add pare/mare, baka makikihati lang sa mamanahin mong lupain yan.

5.) "Sinasamba kita". Eto yung mga mga comment ng comment sa mga piksur ng babae ng "cute mo naman, hehe". o kaya "ganda u" o mas malala "simply beautiful" (ang lalim!).  Una sa lahat, alam na nila yun. I-like mo nalang dre, naka-ninja moves ka pa.

6.) "Sinasamba kita" ver. 2. Eto naman yung mga post ng post ng may jesus jesus, yung mga tipong "repost this for Jesus". Tuloy nyo lang brothers and sisters. Kunin na sana kayo ni Lord.

7.) "Pa-gift". Eto yung mga hingi ng hingi ng gift, parts, animales, o energy sa mga kung anu-anong larong sila nalang ata ang naglalaro. Kung gusto nila ng energy, mainam ang shabu, tatlong araw silang gising nun.

8.)  "Haters' enemy no. 1". Eto yung mga mahilig magsabi ng "back-off haters" sa panahon ngayon. Pwede pa sana kung nung friendster era e.

9.) "Kumikitang kabuhayan". Eto yung mga nang-ta-tag sayo ng kung-anu-anong paninda nila, mula medyas, pampapayat, pampaputi, minsan pyramiding pa.  Kung kailangan ko kasi, magtatanong ako.

10.) "Mga anak ni Papa Jack". Eto yung mga parang antindi na ng pinagdaanan sa buhay pag-ibig e, dose anyos palang kung makapagsalita na parang na-byudo/ nabyuda na o pinagpalit sa mas bata.Basta ang alam ko lang:

"Ang galing ni God, no? Alam niya kung saan magiging masaya ang tao, kung saan sila pwedeng magmahal at mahalin ng totoo, kung saan yung langit dito sa mundo. Hmm. Kaya pala nilagay niya ko malapit sayo"

-Paki ko kong sino to, basta malupet to